Маркетерууд бид мэдээ мэдээллийг шуурхай авч, шинэ зүйлд соргог байж, цаг үетэйгээ хөл нийлүүлэн алхах шаардлагатай сонирхолтой, эрэл хайгуулч мэргэжлийг сонгосон хүмүүс .

Бүхнийг түүчээлэгч та бүхэндээ 2023 оны маркетингийн 7 трэндийг сонирхуулж байна.

1.      Influencer Marketing

Сошиал эрин үед амьдарч, бүх төрлийн мэдээ мэдээллийг авдаг болсон өнөө үед олон дагагчтай influencer-үүдтэй хамтран ажиллаж, тэдний дагагчдад нөлөөлөх маркетингийн арга трэнд болсон. Харин 2023 онд зөвхөн  маш олон тооны дагагчтай, өндөр үнэтэй Influencer-үүдээс гадна багахан хэмжээний дагагчтай, тэднийхээ дунд нөлөөлөл сайтай Micro Influencer-үүд болон энгийн хүмүүсээр trial talk хийх аргыг брэндүүд ашиглаж эхлээд байна. Олон хүмүүсээр, давтамж өндөртэй нөлөөллийг ажлууд хийх нь илүү итгэл үнэмшилтэйгээс гадна үр дүнтэй байдаг гэнэ шүү.

TIP: Trial Talk хийлгэхээр хамтран ажиллаж буй хүмүүстээ ямар үг ашиглах, ямар мэдээлэл өгөх талаар чиглүүлэг сайн өгч хуваарь гарган тогтмол хийлгээрэй. Хамгийн сайн үзүүлэлттэй хүмүүсээ урамшуулахаа ч мартаж болохгүй шүү.

1.      Блог

Судалгаагаар ихэнх хэрэглэгчид долоо хоногт хэд хэдэн удаа блог уншдаг бөгөөд компанийн блогыг уншсаны дараа тухайн брэндээс ямар нэг зүйл худалдаж авсан байдаг гэжээ. Хүчирхэг блогтой сайтуудад хайлтын боломжууд илүү их байдаг бөгөөд SEO стратегийг хэрэгжүүлдэггүй сайтуудаас хамаагүй илүү борлуулалт хийх боломжуудтай байдаг.

TIP: Өөрийн брэндийн блогыг бичихдээ хэрэглэгчийг залхаахгүйгээр сонирхолтой бөгөөд товч бичээрэй. Түлхүүр үгсээ ашиглахаа битгий мартаарай

2.      Богино хэмжээний видео

Гар утас, засвар хийх апп байхад л болох хамгийн энгийн бөгөөд олон хүнд хүрэх богино хэмжээтэй видеонууд 2023 оны маркетингийн трэнд болжээ. Судалгаанд оролцсон Маркетеруудын 90% нь 2023 оны төсөвтөө богино хэмжээтэй видео хийх зардлыг өсгөнө гэсэн байна.

TIP: Богино хэмжээтэй видеогоо Instagram болон Facebook-н Reels болгон ашиглахаас гадна YouTube сувагтаа shorts болгон ашиглаарай

3.      Инфо график ашиглах нь

Инфо графикаар, тоогоор харуулсан контент нь хэрэглэгчдэд илүү итгэл үнэмшил түрүүлдэг байна. Контент бүтээгчдийн 45% нь тус аргыг ашигладаг байна. Тэдгээр 45% маркетеруудын 56% нь Контент маркетингийн хамгийн чухал үр дүнтэй арга нь инфо график гэж хариулжээ.

TIP: Гол тоон мэдээллээ томоор харуулаарай

4.      Борлуулалтын багтай уялдаг ажиллах

Хэрэглэгчтэй хамгийн ойр байдаг борлуулалтын багтайгаа уулзахад ямар их санаа гардаг гээч. Судалгаагаар маркетеруудын 31% нь л борлуулалттайгаа уялдаа холбоотой ажилдаг гэсэн байна. Хэрэв та борлуулалтын багтайгаа төдийлөн сайн хамтарч ажилладаггүй бол ЯГ ОДОО уулзаарай. Хэрэглэгчээ мэдэрч ДОГЬ санаа гаргахад чинь гарцаагүй тусална шүү.

TIP: Уулзалтын дараа юуг сайжруулах, хэрхэн илүү борлуулалт хийх төлөвлөгөө гарган хэрэгжүүлэх нь чухал

5.      Нийгмийн хариуцлага

Нийгмийн хариуцлага, ёс зүй, ил тод байдал нь орчин үеийн хэрэглэгчдэд маш их нөлөөлдөг. Шинэ үеийн залуус сонголт хийхдээ НЯХУУР болсон шүү. Gen Z- 50%, Millennials-40% нь компаниудыг нийгмийн асуудал, ялангуяа арьс өнгөний шударга ёс, LGBTQ+ эрх, жендерийн тэгш бус байдал, уур амьсгалын өөрчлөлт зэрэг асуудлаар байр сууриа илэрхийлэхийг хүсдэг. Компаниуд эдгээр асуудлыг сурталчлах нь тэдний сонголт, худалдан авах шийдвэрт хүчтэй нөлөө үзүүлдэг болжээ.

TIP: Мод тарьдаг, Ажлын байр бий болгогч, Үндэсний үйлдвэрлэгч, Шилдэг Татвар төлөгч, Цэцэрлэг сургууль, Бүтээн байгуулалтад хувь нэмрээ оруулагч гээд нийгмийн хариуцлагаа биелүүлэх олон арга бий шүү

6.      Мянга сонсохоор нэг ҮЗ

2020, 2021 онд дэлхийн цар тахлын улмаас бизнесүүд, олон нийтийн үйл ажиллагааг зогсоохоос өөр аргагүй болсон бол 2023 онд эвэнт арга хэмжээ, биетээр харах, мэдрүүлэх маркетингийн үйл ажиллагаа нэмэгдэхээр байна. Хэрэглэгчийн бодит мэдрэмжийг нэмэгдүүлэх нь өөрийн брэндтэйгээ илүү амьд харилцаатай болгоход тусална шүү.

TIP: 2020, 2021 онд дэлхийн цар тахлын улмаас бизнесүүд, олон нийтийн үйл ажиллагааг зогсоохоос өөр аргагүй болсон бол 2023 онд эвэнт арга хэмжээ, биетээр харах, мэдрүүлэх маркетингийн үйл ажиллагаа нэмэгдэхээр байна.