17 настай Чингүүн: "Хамгийн эхэнд сургалтын төлбөрөө төлж дуусгасан."

Эртнээс биеэ даагаад эхлэх хэрэгтэй гэж боддог. Том болоод эхнэр хүүхдээ тэжээхээс авахуулаад амьдралын маш том хариуцлагууд хүлээж байгаа шүү дээ. Одоо би эмээтэйгээ хамт амьдардаг, доороо 4 дүүтэй. Урьд нь, KFC-д ажиллаж өөрийн орлоготой болохоос өмнө эмээгийнхээ гарыг харж л амьдардаг байсан. Одоо өөрөө гэртээ юмаа аваад, эмээдээ дэмтэй үнэхээр гоё байгаа. Авто засварын чиглэлээр коллежийн 3-р курсэд сурч байна.

Маш удаан KFC-д ажиллахыг бодож явсан ч амжихгүй байсаар сая энэ намраас одоог хүртэл ажиллаж байна. Анх цалин нь бага байх гээд KFC-д ажиллахыг огтхон ч боддоггүй байсан. Ер нь барилга дээр их ажилладаг байсан, хамгийн хэцүү нь баталгаагүй газрууд цалингаа өгөхгүй алга болно, гэрээт ажил биш болохоор яаж ч чадахгүй л өнгөрөөдөг байсан даа. Тэгээд эцэст нь KFC-д ажилд орсон. Хамт олны уур амьсгал маань яг гэр бүл шиг халуун дулаан, байгууллага маань баталгаатай, хамгийн гоё нь яг цагтаа цалингаа тавьдаг, бас би өөрөө хичээлийн цагтаа тааруулаад хуваариа зохиодог. Хамгийн эхний ээлжинд цалингаараа сургалтын төлбөрөө төлж дуусгалаа.

Ажлынхаа хамт олондоо маш их баярлалаа гэж хэлмээр байна. Ажлаа хийж чадахгүй байхад заагаад өгнө, хүн ихтэй ачаалалтай үед нэгнийгээ нөхөөд дутууг нь дүүргээд л, дэмтэй ажилладаг. Бүгдэд нь баярлалаа.

KFC Хархорин салбарын ажилтан Х.Чингүүн